dharashiv katta

बालकामगारांना कामावर ठेवणाऱ्यांचा खैर नाही! धाराशिवमध्ये धडक कारवाई; बेकरीत आढळले दोन किशोरवयीन कामगार धाराशिव (प्रतिनिधी) : बाल व किशोरवयीन कामगारांना कामावर ठेवणाऱ्या आस्थापनांवर कामगार विभागाने कारवाईचा बडगा उगारला असून, विशेष अभियानांतर्गत धाराशिव शहरात मोठी कारवाई करण्यात आली आहे. बाल व किशोरवयीन कामगार (प्रतिबंध व निर्मूलन) अधिनियम 1986 तसेच सुधारित अधिनियम 2016 अंतर्गत विशेष बालकामगार व किशोरवयीन कामगार मुक्ती अभियान राबविण्यात येत आहे. नितीन पाटणकर, कामगार उपायुक्त, छत्रपती संभाजीनगर विभाग यांच्या निर्देशानुसार तसेच गोविंद गावंडे, सरकारी कामगार अधिकारी, धाराशिव यांच्या मार्गदर्शनाखाली संयुक्त तपासणी मोहीम राबविण्यात आली. या अभियानादरम्यान धाराशिव शहरातील समर्थ नगर परिसरातील बेंगलोर बेकरीच्या गोडाऊनची तपासणी करण्यात आली. तपासणीवेळी तेथे दोन किशोरवयीन कामगार काम करत असल्याचे आढळून आले. संबंधित किशोरवयीन कामगारांना पुढील कार्यवाहीसाठी बालकल्याण समितीसमोर हजर करण्यात आले आहे. दरम्यान, संबंधित आस्थापना मालकाविरुद्ध विविध कामगार कायद्यांनुसार निरीक्षण शेरा नोंदविण्यात आला...

काँग्रेस भवनात उमेश राजेनिंबाळकर यांचा भव्य पदग्रहण सोहळा; संघटन बळकटीचा निर्धार राहुल कोरे आळणीकर  धाराशिव प्रतिनिधी  भारतीय राष्ट्रीय काँग्रेसच्या धाराशिव जिल्हाध्यक्षपदी निवड झाल्यानंतर उमेश राजेनिंबाळकर यांचा पदग्रहण सोहळा धाराशिव शहरातील काँग्रेस भवन येथे उत्साहपूर्ण वातावरणात पार पडला. जिल्हाभरातील काँग्रेसचे पदाधिकारी, कार्यकर्ते, विविध आघाड्यांचे प्रतिनिधी आणि मान्यवरांच्या उपस्थितीत हा सोहळा दिमाखात संपन्न झाला. पदग्रहण सोहळ्यावेळी काँग्रेसचे ज्येष्ठ नेते नानासाहेब पाटील, माधव कुतवळ, प्रदेश प्रवक्ते हनुमंत पवार, विश्वास शिंदे, काँग्रेसचे माजी जिल्हाध्यक्ष धीरज पाटील, प्रदेश सचिव डॉ. नवगिरे, युवक काँग्रेसचे प्रदेश सचिव अभिजित चव्हाण, शिला उंबरे, प्रदेश सचिव डॉ. स्मिता शहापूरकर, पांडुरंग कुंभार, राजाभाऊ शेरखाने, मधुकर बिद्री, प्रशांत पाटील, खलील सय्यद, नानाभाऊ भोसले, महेबूब पटेल, विनोद वीर, विलास शाळु, माजी जिल्हा परिषद अध्यक्षा गोदावरी केंद्रे, अर्जुन बिराजदार, सर्फराज काजी, धनंजय राऊत, अग्निवेश शिंदे, शिवाजी गायकवाड, विजय वाघमारे, तोडकर, अशोक बनसोडे, गपाट,...

तुळजापूर घडणार अत्याधुनिक अभियांत्रिकी शिक्षणाचे हब तुळजाभवानी अभियांत्रिकी महाविद्यालय आता शासकीय अध्यापक आणि शिक्षकेतर ११८ नवीन पदांना मान्यता ; आमदार राणाजगजितसिंह पाटील यांची माहिती धाराशिव प्रतिनिधी तुळजापूर येथील श्री तुळजाभवानी मंदिर संस्थानमार्फत चालविण्यात येणारे श्री तुळजाभवानी अभियांत्रिकी महाविद्यालय आता कायमस्वरूपी महाराष्ट्र शासनाकडे हस्तांतरित करण्याचा ऐतिहासिक निर्णय राज्य शासनाने घेतला आहे.ग्रामीण भागातील विद्यार्थ्यांनाही महानगरांतील विद्यार्थ्यांप्रमाणे अत्याधुनिक अभियांत्रिकी शिक्षण आणि कौशल्य विकासाच्या संधी उपलब्ध व्हाव्यात, यासाठी अत्याधुनिक प्रयोगशाळा, नवतंत्रज्ञानाधारित अभ्यासक्रम आणि उद्योगाभिमुख प्रशिक्षण सुविधा सुरू करण्यात येणार आहेत. या क्षेत्रातील भविष्यातील संधी पाहता त्यासाठी लागणारे कुशल मनुष्यबळ घडविण्यासाठी आम्ही दृढनिश्चयी असून या दिशेने सातत्याने प्रयत्नशील असल्याची माहिती आमदार राणाजगजितसिंह पाटील यांनी दिली. धाराशिव जिल्ह्यात शासकीय अभियांत्रिकी महाविद्यालय नसल्याने अनेक वर्षांपासून त्याची मागणी होती.त्याअनुषंगाने आई तुळजा...

एसटी कर्मचाऱ्यांचा महागाई भत्ता ५८ टक्क्यांवर, घरभाडे भत्त्यातही वाढ – परिवहनमंत्री प्रताप सरनाईक  मुंबई : महाराष्ट्र राज्य मार्ग परिवहन महामंडळाच्या सुमारे ८६ हजार कर्मचारी आणि त्यांच्या कुटुंबीयांना मोठा दिलासा देत परिवहनमंत्री प्रताप सरनाईक यांनी एसटी कर्मचाऱ्यांचा महागाई भत्ता राज्य सरकारी कर्मचाऱ्यांप्रमाणे ५३ टक्क्यांवरून ५८ टक्क्यांपर्यंत वाढविण्याची ऐतिहासिक घोषणा केली. यासोबतच घरभाडे भत्त्यातही वाढ करण्याचा निर्णय जाहीर करण्यात आला. मुंबई सेंट्रल येथील ‘वाहतूक भवन’ या महामंडळाच्या मुख्यालयात कर्मचाऱ्यांच्या विविध प्रलंबित प्रश्नांबाबत आयोजित महत्त्वपूर्ण बैठकीत सरनाईक यांनी ही घोषणा केली. यावेळी विविध कर्मचारी संघटनांच्या प्रतिनिधींनी आर्थिक व प्रशासकीय मागण्या मांडल्या. त्यावर सकारात्मक आणि सविस्तर चर्चा करण्यात आली. बैठकीच्या प्रारंभी उपमुख्यमंत्री एकनाथ शिंदे यांनी दूरध्वनीद्वारे कर्मचारी संघटनांना शुभेच्छा देत महामंडळ अधिक सक्षम करण्यासाठी सर्वांनी सामंजस्याने काम करण्याचे आवाहन केले. यावेळी बोलताना परिवहनमंत्री प्रताप सरनाईक यांनी भविष्यात राज्य सरकारी कर्...

थेट दर्शनासाठी पैसे उकळणाऱ्या दोघांवर ५ वर्षांची मंदिर प्रवेशबंदी तुळजापूर | प्रतिनिधी श्री तुळजाभवानी मंदिरात भाविकांकडून थेट दर्शनाच्या नावाखाली पैसे उकळल्याप्रकरणी मंदिर संस्थानने कठोर कारवाई करत दोन जणांवर पाच वर्षांची मंदिर प्रवेशबंदी घातली आहे. संबंधितांना पुढील पाच वर्षे मंदिर परिसरात प्रवेश करता येणार नसल्याचे संस्थानने स्पष्ट केले आहे. ३ जून रोजी एका मराठी वृत्तवाहिनीवर मंदिरातील काही व्यक्ती भाविकांकडून थेट दर्शनासाठी पैसे घेत असल्याचे वृत्त प्रसारित झाले होते. या वृत्ताची गंभीर दखल घेत श्री तुळजाभवानी मंदिर संस्थानने चौकशी करून अभिषेक अशोकराव साळुंखे आणि हर्षल विनोद चव्हाण या दोघांवर कारवाई केली आहे. तसेच त्यांच्याविरोधात गुन्हा दाखल करण्याबाबत तुळजापूर पोलीस ठाण्याला कळविण्यात आले आहे. मंदिर संस्थानने भाविकांची फसवणूक रोखण्यासाठी विशेष पथकाची स्थापना केली असून हे पथक मंदिर परिसरात नियमित पाहणी करत आहे. अनधिकृत पुजारी व्यवसाय करणारे, दर्शनाच्या नावाखाली पैसे उकळणारे किंवा मंदिराच्या अधिकृत व्यवस्थेबाहेर काम करणाऱ्यांवर लक्ष ठेवून कारवाई केली जात आहे. भाविकांची को...

थेट दर्शनासाठी भाविकांकडून पैसे घेणाऱ्या दोघांवर ५ वर्षांची मंदिर प्रवेशबंदी धाराशिव प्रतिनिधी -३ जून रोजी साम टीव्ही या मराठी वृत्तवाहिनीवर श्री तुळजाभवानी मंदिरातील काही पुजाऱ्यांकडून भाविकांची थेट दर्शनाच्या नावाखाली पैसे घेऊन लूट होत असल्याबाबचे वृत्त प्रसारित करण्यात आले होते. या वृत्ताची गंभीर दखल घेत श्री तुळजाभवानी मंदिर संस्थानने तात्काळ कारवाई करत अभिषेक अशोकराव साळुंखे आणि हर्षल विनोद चव्हाण या दोघांना ५ वर्ष मंदिर प्रवेश बंदी घातली आहे. या कालावधीत संबंधित व्यक्तींना पुढील पाच वर्ष मंदिरामध्ये प्रवेश करता येणार नाही. तसेच या दोघांवर गुन्हा दाखल करण्यासंदर्भात तुळजापूर पोलिस स्टेशनला कळविण्यात आले आहे. भाविकांची कोणत्याही प्रकारे फसवणूक होऊ नये तसेच भाविकांचे धार्मिक विधी व पूजा अधिकृत पुजाऱ्याकडूनच व्हावी, यासाठी श्री तुळजाभवानी मंदिर संस्थानने अनधिकृत पूजारी व्यवसाय करणाऱ्यांवर तसेच भाविकांची फसवणूक करणाऱ्यांवर कारवाई करण्यासाठी विशेष पथक स्थापन केले आहे. हे पथक मंदिर परिसरात नियमित पाहणी करून अनधिकृत काम करणाऱ्यांवर लक्ष ठेवत आहे. भाविकांची फसवणूक करणे, दर्शना...