उस्मानाबाद जिल्हा मोटर महासंघाकडून अप्पर पोलीस अधीक्षक सचिन पांडकर यांचा सत्कार
उस्मानाबाद जिल्हा मोटर महासंघाकडून अप्पर पोलीस अधीक्षक सचिन पांडकर यांचा सत्कार
धाराशिव जिल्हा अप्पर पोलीस अधीक्षक म्हणून नुकताच पदभार स्वीकारलेले अपर पोलीस अधीक्षक सचिन पांडकर यांचा उस्मानाबाद जिल्हा मोटर महासंघाच्या वतीने सन्मान करण्यात आला. हा सत्कार मोटर महासंघाचे अध्यक्ष मुईनुद्दीन पठान यांच्या हस्ते करण्यात आला.
या कार्यक्रमास उस्मानाबाद जिल्हा मोटार मालक संघाचे अनेक पदाधिकारी व सदस्य मोठ्या संख्येने उपस्थित होते. यावेळी हैदर शेख, मोसीन कुरैशी, रोहित चौधरी, फिरोज भाई, फहीम काजी, तोफिक काजी, सतीश इंगळे यांसह इतर मान्यवर उपस्थित होते.
सत्कार सोहळा मध्ये जिल्ह्यातील वाहतूक व्यवस्था, कायदा-सुव्यवस्था आणि पोलीस प्रशासन व वाहन मालक संघ यांच्यातील समन्वय यावर सकारात्मक चर्चा करण्यात आली. उपस्थितांनी जिल्ह्यातील वाहतूक व्यवस्था अधिक सक्षम करण्यासाठी सहकार्याची भूमिका कायम ठेवण्याचा विश्वास व्यक्त केला.
सत्कार सोहळ्यामुळे पोलीस प्रशासन व मोटार मालक संघ यांच्यातील संबंध अधिक दृढ झाल्याचे चित्र दिसून आले.
