धाराशिव जिल्हा परिषदेत सभापती निवडी दिवशी जिल्हा परिषद येथे सुतक पडल्यासारखे वातावरण मोठा खेळ, धनंजय सावंत,संजय काका लोखंडे, महेंद्र काका धुरगुडे, सुवर्णा सतीश पाटील यांचा पत्ता कट? राहुल कोरे आळणीकर धाराशिव -जिल्हा परिषदेत अध्यक्ष-उपाध्यक्ष निवडीनंतर आज झालेल्या विशेष सभेत चार महत्त्वाच्या सभापती पदांची निवड जाहीर होताच राजकीय वर्तुळात मोठी खळबळ उडाली आहे. महायुतीतील घटक पक्षांमध्ये सत्ता वाटप करताना ‘संतुलन’ साधण्याचा प्रयत्न दिसला असला तरी, अनेक कार्यकर्ते आणि नागरिकांनी या निर्णयावर प्रश्नचिन्ह उपस्थित केले आहे. समाजकल्याण सभापतीपदी विश्वास कोकणे (भाजप), कृषी व पशुसंवर्धन सभापतीपदी भाऊसाहेब खराडे (राष्ट्रवादी), महिला व बालकल्याण सभापतीपदी पूजा शिंदे (शिवसेना) आणि अर्थ व बांधकाम सभापतीपदी सिद्धेश्वर कोरे (भाजप) यांची निवड करण्यात आली. या निवडीमुळे महायुतीतल्या सत्तेचा तोल साधण्याचा प्रयत्न झाला असला, तरी स्थानिक पातळीवर नाराजीचे ...
धाराशिव /प्रतिनिधी शिवराज्याभिषेक दिनाच्या पावन मुहूर्तावर धाराशिव येथील मल्टीचेन हाँटेल व्यावसायिक मनोज सुरवसे यांच्या धाराशिव हॉटेल मातोश्री उद्योग समूहांतर्गत बार्शी नाका येथे नव्याने सुरू झालेल्या ‘मातोश्री फिटनेस क्लब’ या अत्याधुनिक व्यायामशाळेचा भव्य शुभारंभ आमदार राणाजगजितसिंह पाटील यांच्या हस्ते झाला. यावेळी नगरपालिका गटनेते अमित शिंदे, टायगर ग्रुपचे पै. तानाजी (भाऊ) जाधव, शिवभक्त प्रतिष्ठान पुणे चे पै. अनिकेत (भाऊ) घुले, बॉडीबिल्डर मनोज पाटील तसेच अनेक नामांकित बॉडीबिल्डर्स, फिटनेसप्रेमी आणि रिल्स स्टार्स यांची उपस्थिती लाभली. युवा पिढीने निरोगी जीवनशैली स्विकारून फिटनेसकडे वाटचाल करावी, यासाठी हा उपक्रम निश्चितच प्रेरणादायी ठरेल. असे सांगून आ. पाटील यांनी मातोश्री फिटनेस क्लबच्या भावी वाटचालीस शुभेच्छा दिल्या . उद्योजक मनोज सुरवसे यांनी यशस्वीतेरित्या हाँटेल क्षेत्राच्या मल्टीचेन उद्योगानंतर तरुण पिढी अधिक बळकट व्हावी या उदात्त हेतुने मातोश्री फिटनेस क्लबच्या माध्यमातून सर्व सोयींनी युक्त धाराशिव शहरातील सर्वात अत्याधुनिक व्यायाम शाळा फिटनेस क्लब निर्माण केला आहे. त्यांंच्या या नवीन उपक्रमास अनेक मान्यवरांनी व क्रीडाप्रेमींनी शुभेच्छा दिल्या आहेत .
