ढोकी पोलिस ठाण्याच्या हद्दीतील कौडगाव बावी येथे शेतात सुरू असलेल्या एका जुगार अड्डयावर पोलिसांनी धाड
ढोकी पोलिस ठाण्याच्या हद्दीतील कौडगाव बावी येथे शेतात सुरू असलेल्या एका जुगार अड्डयावर पोलिसांनी धाड तेराजनावर कारवाई
पोलिसांची पण बनवा बानवी पैसे घेऊन गाड्या आणि मोबाईल सोडून दिले
रमी खेळत होते परंतु तिरटाचा गुन्हा दाखल
ढोकी : ढोकी पोलिस ठाण्याच्या हद्दीतील कौडगाव बावी येथे शेतात सुरू असलेल्या एका जुगार अड्डयावर पोलिसांनी बुधवारी (दि. १८) सायंकाळी साडेसहा वाजण्याच्या सुमारास छापा टाकला. या कारवाईत पोलिसांनी जुगाराच्या साहित्यासह मोबाईल, दुचाकी आणि रोख रक्कम असा एकूण ५ लाख ४७ हजार ११० रुपयांचा मुद्देमाल जप्त केला असून, १३ जणांविरुद्ध ढोकी पोलिस ठाण्यात गुन्हा दाखल करण्यात आला आहे.
पोलिसांकडून मिळालेल्या माहितीनुसार, कौडगाव बावी शिवारात मंगेश बबन कदम याच्या शेतातील पत्र्याच्या शेडसमोरील मोकळ्या जागेत काही जण पैशांवर 'तिरट' नावाचा जुगार खेळत असल्याची माहिती ढोकी पोलिसांना मिळाली होती. या माहितीच्या आधारे पोलिसांनी बुधवारी सायंकाळी १८.३० वाजताच्या सुमारास या ठिकाणी अचानक छापा टाकला. यावेळी तेथे मोठा जुगार अड्डा सुरू असल्याचे आढळून आले. या कारवाईत पोलिसांनी घटनास्थळावरून मंगेश बबन कदम (३१, रा. कौडगाव बावी), शरद श्रीमंत जाधव (३५, रा. जवळे दु.), विशाल सोमनाथ पवार (२९), रणजित काका पवार (२५), अर्जुन भिमा पवार (१९, तिघे रा. तेर), बालाजी प्रभाकर नवले (३९), किरण कैलास पडवळ (३८, दोघे रा. उपळा मा.), बलभिम जगन्नाथ जाधव (४४, रा. धाराशिव), संदिप दामोदर काकडे (४४, रा. बार्शी नाका), धर्मराज प्रल्हाद आदमिले (५०, रा. जवळे दु.), शकील फरीद तांबोळी (४८), नरसिंह तिलास हाजगुडे (४४) आणि इरफान हमीद पठाण (४४, तिघे रा. ढोकी, जि. धाराशिव) अशा एकूण १३ जणांना रंगेहाथ पकडले.
या जुगारी लोकांकडून पोलिसांनी तिरट मटक्याचे साहित्य, १२ मोबाईल फोन, ६ मोटारसायकली आणि रोख रक्कम असा तब्बल ५ लाख ४७ हजार ११० रुपयांचा मुद्देमाल जप्त केला आहे. याप्रकरणी ढोकी पोलिस ठाण्यात महाराष्ट्र जुगार प्रतिबंधक कायदा कलम १२ (अ) अन्वये गुन्हा दाखल करण्यात आला.
पोलिसांची पण बनवा बानवी पैसे घेऊन गाड्या आणि मोबाईल सोडून दिले. कुणाच्या सांगण्यावरून गाड्या व मोबाईल परत केले यांचा धागा दोरा लागणे गरजेचे आहे असे जनतेतून बोलले जात आहे.
