भूमी अभिलेख कार्यालयातील लिपिक 2000 रुपयांची लाच घेताना रंगेहाथ अडकला – लाचलुचपत विभाग धाराशिव यांची यशस्वी कारवाई
भूमी अभिलेख कार्यालयातील लिपिक 2000 रुपयांची लाच घेताना रंगेहाथ अडकला – लाचलुचपत विभाग धाराशिव यांची यशस्वी कारवाई
धाराशिव (दि. 27 मे 2025):
भूमी अभिलेख कार्यालय, वाशी येथे कार्यरत असलेले आवक-जावक लिपिक दिगंबर मारुती ढोले (वय 45, मूळ रा. हदगाव, ता. पाथरी, जि. परभणी) याला लाचलुचपत प्रतिबंधक विभाग, धाराशिव यांच्या पथकाने 2000 रुपये लाच घेताना आज रंगेहाथ पकडले.
तक्रारीचा तपशील:
55 वर्षीय तक्रारदार यांची आई यांच्या नावे असलेल्या गट क्र. 444 या शेतजमिनीची मोजणी आणि हद्द कायम करण्यासाठी त्यांनी उपअधीक्षक, भूमी अभिलेख कार्यालय, वाशी येथे अर्ज दिला होता. दिनांक 07 मे 2025 रोजी या जमिनीची मोजणी लिपिक दिगंबर ढोले यांनी केली होती. यानंतर त्यांनी शेतजमिनीच्या हद्द कायम खुणा करण्यासाठी तक्रारदाराकडे 3000/- रुपयांची लाच मागितली.
याबाबत तक्रारदाराने दि. 23 मे 2025 रोजी लाचलुचपत प्रतिबंधक विभाग, धाराशिव कार्यालयात तक्रार दाखल केली. तक्रारीची पडताळणी 26 मे रोजी पंचासमक्ष करण्यात आली असता आरोपीने खरोखरच लाचेची मागणी करत असल्याचे स्पष्ट झाले. तडजोडीनंतर आरोपीने 2000 रुपये घेण्यास तयार असल्याचे सांगितले.
सापळा कारवाई:
लाचलुचपत प्रतिबंधक विभाग, धाराशिव यांनी तात्काळ सापळा रचला. दिनांक 27 मे 2025 रोजी तक्रारदाराकडून पंचासमक्ष 2000/- रुपये लाच रक्कम स्वीकारताना आरोपी दिगंबर ढोले याला रंगेहाथ अटक करण्यात आली.
आरोपीकडून जप्त केलेल्या वस्तू:
रोकड 2000/- रुपये लाच रक्कम
ओप्पो कंपनीचा मोबाईल फोन
सध्या आरोपीची घरझडती सुरू असून मोबाईलमधील डेटा तपासणीसाठी ताब्यात घेण्यात आला आहे. याप्रकरणी आरोपीविरुद्ध भ्रष्टाचार प्रतिबंधक अधिनियम 1988 चे कलम 7 अंतर्गत गुन्हा दाखल करण्याची प्रक्रिया सुरू आहे.
संपूर्ण कारवाईमध्ये सहभागी अधिकारी व कर्मचारी:
सापळा अधिकारी: विकास राठोड, पोलीस निरीक्षक, लाचलुचपत प्रतिबंधक विभाग, धाराशिव
सापळा पर्यवेक्षण अधिकारी. सिद्धाराम म्हेत्रे, पोलीस उपअधीक्षक, लाचलुचपत विभाग, धाराशिव (मो. 9594658686)
मार्गदर्शक अधिकारी:
संदीप आटोळे, पोलीस अधीक्षक, ला.प्र.वि. छ. संभाजी नगर (मो. 9923023361)
मुकुंद आघाव, अपर पोलीस अधीक्षक, ला.प्र.वि. छ. संभाजी नगर (मो. 9881460103)
सापळा पथक: पो.अं. आशिष पाटील, विशाल डोके, जाकेर काझी व चालक पो. ना. दत्तात्रय करडे
लोकांना आवाहन:
सरकारी कार्यालयांमध्ये कोणीही लाच मागत असल्यास तक्रार करण्यासाठी खालील क्रमांकावर संपर्क साधावा:
टोल फ्री क्रमांक: 1064
पोलीस अधीक्षक, ला.प्र.वि. छ. संभाजी नगर: 9923023361
पोलीस उपअधीक्षक, धाराशिव: 9594658686
